ஒரு மனிதன் அனுபவிக்கும் உச்சபட்ச துயரங்களுக்கு மத்தியிலும், அவனுடைய வாழ்க்கைக்கு ஓர் அர்த்தம் இருக்கிறதா? ஆம் எனில், அது என்ன?
நாஜி வதை முகாம்களில் (Concentration Camps) தான் சந்தித்த கொடூரமான அனுபவங்களை அடிப்படையாகக் கொண்டு, மனநல மருத்துவர் விக்டர் ஃபிராங்க்ள் எழுதியிருக்கிறார் இந்த அற்புத நூலை. அத்தனை கொடூரங்களுக்கு மத்தியிலும் உயிர் பிழைத்து, தங்கள் வாழ்வின் பிடிப்பை இழக்காமல் இருந்தவர்கள் கடைப்பிடித்த உளவியல் சூத்திரம் என்ன? என்ற கேள்வியை இந்நூல் ஆராய்கிறது.
‘வாழ்வில் அர்த்தத்தைக் கண்டறிவதே மனிதனின் அடிப்படை உந்துதல்’ என்ற லோகோதெரபி (Logotherapy) எனும் புரட்சிகரமான உளவியல் தத்துவத்தை அவர் இதில் முன்வைக்கிறார். எத்தகைய சூழலிலும், ஒருவன் தன் மனப்பான்மையைத் தேர்ந்தெடுக்கும் சுதந்திரமே அவனிடம் எஞ்சியுள்ள இறுதிச் சுதந்திரம் என அழுத்தமாகப் பறைசாற்றும், மனித ஆன்மாவின் அழியா வலிமையைப் பேசும் ஒரு காலத்தால் அழியாத படைப்பு இது.
