இந்தியப் பொருளியல் வரலாற்றில் தென்னிந்தியாவின் பங்கு அளப்பரியது. தென்னிந்தியப் பகுதியின் பொருளாதார வளர்ச்சியின் வெளிப்பாடுகளை முன்னிறுத்தி கடந்த பல ஆண்டுகளாக செய்யப்பட்ட ஆய்வுகளின் ஒரு தொகுப்பு இந்நூல், அகழாய்வுகளில் சேகரித்த தொல்செய்பொருள்கள், கல்வெட்டுகள். நாணயங்கள். அயல்நாட்டார் குறிப்புகள் ஆகியவற்றை அடிப்படையாகக் கொண்டு பொருளியல் நடவடிக்கைகளை விவரிக்கிறது. தொல்பழங்காலம் முதல் விசயநகர ஆட்சிக் காலம் வரையில் தெள்ளிந்தியாவில் ஏற்பட்ட பொருளியல் வளர்ச்சிப் போக்குகளின் முக்கியமான சில பண்புகளை ஆய்வு செய்வதே இந்நூலின் முதன்மை நோக்கமாகும் தொழில்கள், முதலீட்டாளர்கள், தொழில் முனையங்கள், தொழிலாளர்கள் போன்ற பொருளியல் நடவடிக்கை களின் சில பரிமாணங்களை முன்னிறுத்துகிறது. மேலும் பொருள் பரிமாற்ற நடவடிக்கைகளில் பங்கேற்ற தமிழக மற்றும் அயல் நாட்டு வணிகர்கள், கடல் வழி வணிகம், துறைமுகங்கள், சந்தைகள், விற்பனைச் சரக்குகள், போன்ற சில தன்மைகளும் ஆராயப்பட்டுள்ளன. பொருளியல் செயல்பாடுகளால் அக்கால மக்கள் சமூகங்களில் ஏற்பட்ட முக்கிய மாறுதல்கள், மகமை போன்ற வணிகர்களின் மீது சுமத்தப்பட்ட விருப்ப வரிகள் மற்றும் அவைகளின் தாக்கம் போன்ற இயல்புகளும் விவரிக்கப்பட்டுள்ளன.
Non-returnable
Rs.408.00 Rs.430.00
Details
Publisher
Parisal Puthaga Nilayam Genre
Economics | பொருளாதாரம் Published on
2024 Language
Tamil Author
Dr. P. Shanmugam | டாக்டர் ப. சண்முகம் 
